वॉशिंग्टन - अमेरिकेचे अध्यक्ष डोनाल्ड ट्रम्प यांनी लादलेल्या बंदीच्या निर्णयाविरुद्ध न्यायालयात आव्हान देण्याचा निर्णय टीकटॉकची मालकी असलेल्या बाईटडान्स कंपनीने घेतला आहे.
सरकारी कर्मचाऱ्यांचा ठावठिकाणा शोधणे, ब्लॅकमेल करण्यासाठी विशिष्ट माहितीचे संकलन करणे, उद्योग जगतात हेरगिरी करणे अशा कारणांसाठी टीकटॉकचा वापर होण्याची शक्यता असल्याचा दावा करीत ट्रम्प यांनी टीकटॉकच्या अमेरिकेतील व्यवहारांवर बंदी घातली आहे. कोरोनाच्या जागतिक साथीच्या पार्श्वभूमीवर अमेरिका आणि चीन यांच्यातील संबंध तणावपूर्ण बनले आहेत. यामुळे टीकटॉककडून चीन सरकारला माहिती पुरविली जाऊ शकते असा ट्रम्प यांचा दावा आहे. सहा ऑगस्ट रोजी त्यांनी जारी केलेल्या कार्यकारी आदेशानुसार बाईटडान्स कंपनीबरोबरील व्यवहार ४५ दिवसांच्या आत थांबवावेत असे बजावण्यात आले आहे.
जगभरातील इतर बातम्या वाचण्यासाठी येथे क्लिक करा
त्यांनी राष्ट्रीय सुरक्षेला धोका असण्याचे कारण दिले आहे. टीकटॉकतर्पे मात्र याचा वारंवार इन्कार करण्यात आला आहे. त्यांच्यावतीने एक निवेदन जारी करण्यात आले. त्यानुसार कायद्यानुसार दाद मागण्याचा नियम झुगारला जाऊ नये, आपल्या कंपनीला तसेच युझर्सना योग्य वागणूक मिळावी हे आमचे उद्देश आहेत. त्यासाठी आम्हाला न्यायालयीन यंत्रणेच्या माध्यमातून कार्यकारी आदेशाला आव्हान देण्याशिवाय कोणताही पर्याय नाही.
देशभरातील इतर बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.